曦望之行 | Journey of Hope 從黑夜到晨光：一場屬於香港嘅黎明之行 Hong Kong’s Dawn Walk from Darkness into Light

活動簡介
有啲路，一個人行會覺得特別漫長。但當身邊有人同行，好似又會變得唔一樣。每年，世界各地都有幾十萬人喺天未光之前聚集，一齊由黑夜行到日出。呢段走向晨光嘅路，承載住希望、懷念，以及代表對自殺預防嘅支持。
今年自殺關注月，新常態慈善會將呢場黎明之行帶嚟香港，舉辦本地首個「曦望之行 | Journey of Hope」太平山黎明步行活動。我哋會喺天未光之前出發，沿住山頂環迴徑慢慢行，陪住香港由黑夜走入清晨，一齊迎接日出。
「曦」（hei1）係漫長黑夜過後，清晨初現嘅第一道陽光；而「望」可以解作眺望、遠望。兩個字放埋一齊，「曦望」就係望向晨光，同時亦取「希望」嘅諧音，寓意無論黑夜有幾漫長，晨光總會再次出現。
無論你曾經嘗試自殺、正懷念一位因自殺離世嘅親友，或者想用行動支持心理健康同自殺預防，都歡迎加入我哋一齊行。
從黑暗到光明：全球黎明步行
活動起源： 2009 年，愛爾蘭自殺預防慈善機構 Pieta 喺都柏林鳳凰公園舉辦第一場 Darkness Into Light 步行活動。當日，400 人趁住天未光一同出發，迎住日出前行，亦成為呢場黎明之行嘅開始。
走到今日：十幾年後，Darkness Into Light…

Hosted by The New Normal Charity Hong Kong